Pagos de Brigante levou os seus viños a BioCultura 2025
Entre o 7 e o 9 de marzo, en EXPOCoruña.
Co seu propietario e fundador Luís Sande á fronte, os viños da adega Pagos de Brigante, estiveron tamén presentes no espazo Reserva da Biosfera – Mariñas Coruñesas, na prestixiosa feira BioCultura, a máis grande iniciativa de proxección de produtos ecolóxicos e ecoturismo a nivel estatal.
Hai que lembrar que Sande ten subliñado a vontade de completar en breve o obxectivo de certificar toda a produción da súa adega como ecolóxica, “algo que xa se dá na práctica a falta de cumprir cuns poucos trámites máis”, salienta.
